martes, 25 de outubro de 2011

Trabajando la técnica de Foreman

Hoy en clase hicimos una aproximación a la técnica de Foreman, y la verdad es que son un grupo tan majo que me motivan a hacer cosas, así que aproveché y en el tiempo que les di para que hicieran escritura automática, en dos fases diferenciadas, para así acercarnos al trabajo de notas fragmentarias de esta técnica, yo lo hice también... El resultado mío es el que sigue, a ver si se animan y lo publican ellos en su blog porque la verdad es que se nota lo que son, porque escriben muy bien...

"Teño que escribir. ir a polas gafas. As gafas. os ollos, as lecturas que non masticarei. As unllas pintadas de vermello, PeIxEirA. A selección, natural? nonseguroquemanipulada. Como o sangue e lamber, lamber o coiro do porco recén chamuscado e non sentir como te foden 14 pais sen fillos e ademais cantar zarzuela mentres te duchas con bágoas de cristal. . . Á merda tanto romanticismo! Imos xogar de verdade, ata que xa non queiramos ser máis nen@s e entón bailar, bailar, bailar, bailar, bailar dicir as palabras bailando alterando a realidade cos nosos pasos e provocando lava de volcán no peito de onde desborda un mar de sal, sabía que ía saír o mar, non quero falar nada do mar. Quero falar de algo telúrico, terrenal, con poder escuro, que te agarre por dentro e te meta na cova. Medo ao medo é algo bonito, dende o punto de vista humano e animal, non é unha emoción que sexa capaz de sentir cando quero, porque non é miña é externa, o medo está aí e cando quere métese polo nariz e polo ouvido e percorre o teu corpo e chega á caluga. Si que me daban hostias na caluga de pequena para que espabilara. E nada sigo xouba como antes, pero polo menos miro para adiante.

-------------------- 1º corte----- 8 minutos----- a continuación 4 minutos-------------------

As hormonas teñen a culpa de que o mundo xire "Y el mondo no ha parado ni un momento" Teño que ser máis concisa teño que aprender a relaxarme nunca vou pegar unha caluga a ninguén, pero hai que espabilar de que? Por que como sería alguén cunha caluga pegada na cara?? Cando sexa é 13 e cando teño que cortar...cortar os mundos de cada un... o patrón temos que cortar o patrón que mellor nos acaia e non pensamos nos amigos e non pensamos nos demais e non queremos que sexan felices... Felicidade que verba tan tonta "A FELICIDADE É TONTA"