domingo, 25 de agosto de 2013

Un curso máis e van seis!

Un curso máis nas nosas Escolas de Teatro fai seis anos que voltamos de Málaga e as clases de teatro en verán e os monográficos consolidáronse nunha Escola, primeiro no Porriño e nos seguintes anos; A Guarda, Vigo, Salceda, As Neves... Quero brindar pola consolidación dos proxectos culturais, polo noso alumnado e por Xerpo, brindemos pois!!


venres, 23 de agosto de 2013

Batido de limón. Receita da tía Encarna

1 vaso de zume de limón
4 iogurtes naturais (recomendo casa de xanceda ou larsa)
1 bote mediano de leite condensado

Todo á batidora, se queda espeso pode engadirse un chisco de auga, despois á neveira, ten que servirse moi moi frío!

Unha sobremesa ou merenda espléndida!

Salsa de pan. Receita da avoa Ana.

SALSA DE PAN

-Manteiga
-½  cebola
-2 cravos (a especia, por suposto)
- ½ L de leite
-1 cucharadiña de Oporto ou, na sua ausencia Malaga virxe ou calquera viño doce.
- 40/50 g de miga de pan tendo en conta que a máis miga, máis espesa sairá a salsa.

Espétanse os dous cravos na cebola e ponse co leite, o Oporto e a miga de pan todo xunto a cocer con lume suave e remexendo durante 5 min. Ao cabo, quítase do lume e retírase a cebola e máis o cravo, bátese coa batedora e volta para o lume 10 min máis, antes de que remate o tempo botamos unha culler de manteiga e outra de nata, remexemos e retiramos do lume.
Esta salsa é moi apropiada para acompañar carnes en xeral.

Empanadillas da miña nai (sen cebola)


EMPANADILLAS. (Camila).
Ingredentes:
1 quilo de fariña (trigo). (Con ou sen levadura).
Un pouco de manteiga.
1 ou 2 ovos (como se prefira).
Un pouco sucre.
Un pouco sal.
Un pouco leite (e auga).
Se a fariña non leva levadura, pór unha pouca de panadería.
Recheo: atún en lata e ovos cocidos.
Ponse toda a fariña nun bol faise un buratiño no medio e bótase a manteiga, o ovo(s), o sucre e o sal, bátese todo e vaiselle engadindo leite e auga. Cando xa está rodo mesturado amásase, fóra do bol ben amasado. Logo deixase descansar (unha hora se é levadura de panadería e 20 – 30 minutos se a fariña ten a levadura incorporada).
Mentres tanto faise o recheo, que pode ser moi variado, o básico é atún en lata mesturado con ovo cocido.
A continuación estírase e faise a forma dan empanadilla, pechando os bordes cun garfio, e fríxense.